​កំពង់ចាម​៖ នៅវេលា​ម៉ោង​៣៖៣០ នាទី ថ្ងៃទី​៤ ខែមករា ឆ្នាំ​២០១៦ នៅលើ​ផ្លូវ​លេខ​៧១ ចំនុច​ភូមិ​២២ ឃុំ​ចំការអណ្តូង ស្រុក​ចំការលើ ខេត្តកំពង់ចាម មាន​រថយន្តក្រុង​ពណ៌​លឿងទុំ របស់​ក្រុមហ៊ុន​អង្គរ​អ៊ិ​ច​ស្ព្រេ​ស ពាក់​ផ្លាកលេខ ៣A ៨៩១៥ ភ្នំពេញ អ្នកបើកបរ​មិន​ស្គាល់​អត្តសញ្ញាណ និង​អាស័យដ្ឋាន បើកបរ​ពី​ខេត្តសៀមរាប​ទៅ​រាជធានី​ភ្នំពេញ បាន​បើក​ជែង​ក្នុងស្ថានភាព​គ្រោះថ្នាក់ បណ្តាល​ឲ្យ​ជ្រុល​បុក គោយន្ត​កែច្នៃ ពណ៌​ក្រហម ពីក្រោយ ដែល​បើកបរ​ដោយ​ឈ្មោះ លន់ ភេទ​ប្រុស អាយុ ២១​ឆ្នាំ មាន​ទីលំនៅ​ភូមិ​ឈូក ឃុំ​តា​ប្រុក ស្រុក​ចំការលើ រួម​ដំណើរ​ជាមួយ ២​នាក់ របួសធ្ងន់​ម្នាក់​។​

​ករណីនេះ រថយន្តក្រុង​ដឹក​អ្នកដំណើរ​រួមមាន​ចំនួន ៣៩​នាក់ ជនបរទេស ១៨​នាក់​(​ស្រី ០៩) ជនជាតិខ្មែរ ២១​នាក់​(​ស្រី ០២) ។​

​រថយន្តក្រុង និង​ថា​លេ​ថង ត្រូវបាន​យកមក​រក្សាទុក​នៅ​អធិការដ្ឋាន​ស្រុក​ចំការលើ រីឯ​អ្នកបើកបរ​រថយន្ត​បាន​រត់​គេចខ្លួនបាត់ សមត្ថកិច្ច​កំពុង​ស្រាវជ្រាវ​តាម​ចាប់​ជនបង្ក​មក​ផ្តន្ទាទោស​តាមច្បាប់​៕​